Zvicra po përballet me një problem praktik: kombinimet e disponueshme për targat e automjeteve po shkojnë drejt përfundimit, çka ka shtyrë autoritetet të kërkojnë zgjidhje të reja, tranameton albinfo.ch.
Në këtë kuadër, Këshilli Kombëtar ka shprehur mbështetje për lejimin e targave të personalizuara, duke miratuar një mocion që do t’u mundësonte qytetarëve të zgjedhin kombinime të veçanta për targat e tyre.
Mocioni është paraqitur nga deputeti Lorenzo Quadri dhe është miratuar me rezultat të ngushtë votash, 95 vota pro dhe 91 kundër.
Megjithatë, kjo nismë nuk mbështetet plotësisht nga Zyra Federale e Rrugëve (Bundesamt für Strassen), e cila ka paralajmëruar se lejimi i targave të personalizuara do të ishte një proces i kushtueshëm dhe kërkon organizim të ndërlikuar administrativ.
Pavarësisht këtyre shqetësimeve, vendimi i Këshillit Kombëtar tregon se autoritetet po e shohin këtë opsion si një zgjidhje të mundshme për mungesën e kombinimeve të reja të targave në Zvicër./Albinfo.ch
