Zvicra ka regjistruar 13,375 raste të reja të koronavirusit të martën, sipas shifrave nga Zyra Federale e Shëndetit Publik (BAG), transmeton albinfo.ch.
Ky është numri më i lartë i infeksioneve të reja ditore që nga fillimi i pandemisë në mars 2020.
“Situata është jashtëzakonisht e pafavorshme”, tha Patrick Mathys, kreu i seksionit të menaxhimit të krizave në FOPH.
Kjo rritje e infeksioneve është në përputhje me një analizë të fundit nga Task Forca Covid-19, e cila paralajmëroi se “një numër rastesh që tejkalojnë 20,000 në ditë deri në javën e dytë të janarit është një skenar i besueshëm” për Zvicrën.
