Zvicra ishte pranë fitores së katërt radhazi në kualifikimet e Euro 2024, por është ndalur nga Rumania 2:2, shkruan albinfo.ch.
Nati në pjesën e parë shënoi dy gola me anë të Amdouni, ku në golin e dytë asistoi Xherdan Shaqiri, i cili e nisi ndeshjen nga fillimi, ashtu si edhe kapiteni Granit Xhaka.
Kur të gjithë menduan se Zvicra do të fitonte, Mihaila ngushtoi shifrat në 2:1, në minutën e 89-të, kur në minutën e 91-të debutoi Uran Bislimi, duke zëvendësuar Xherdan Shaqirin. Mihaila shënoi sërish në minutën e 92-të për 2:2.
Zvicra e para ka dhjetë pikë, ndërsa Rumania e dyta ka tetë. Ndeshja e ardhshme për Zvicrën është në shtator ndaj Kosovës në Prishtinë.
