Organizata më e madhe e mësuesve në vend po jep mendimin e saj për një çështje të ndjeshme – simbolet fetare në shkolla.
Shoqata e Mësuesve Zviceranë po rekomandon që mësuesit të shmangin veshjen e simboleve të dukshme fetare, siç janë shamitë, në klasë, transmeton albinfo.ch.
Presidentja Dagmar Rösler thotë se kjo ka të bëjë me ruajtjen e neutralitetit politik dhe fetar në shkollat publike.
Udhëzimet nuk janë detyruese dhe rregullat mbeten në varësi të kantoneve.
Shoqata gjithashtu thekson se nxënësit mbeten të lirë të veshin simbole fetare, duke përmendur lirinë e besimit e cila mbrohet nga kushtetuta.
