Zyra Federale e Shëndetit Publik (BAG) ka raportuar sot 4,391 raste të reja që kanë rezultuar pozitive pas testimit për virusin corona në 24 orët e fundit, shkruan srf.ch.
Mesatarja e rasteve pozitive të 7 ditëve të fundit është 3334 ose 19 për qind më pak se në javën e kaluar, transmeton albinfo.ch. Trendi aktualisht është në rënie.
Shkalla mesatare 7 ditore e rasteve pozitive aktualisht është 14.8 për qind. Krahasuar me javën e kaluar, norma pozitive është rritur për 3 pikë të përqindjes.
Vëllimi mesatar i testimeve t¨bëra në 7 ditët e fundit është 28,174 teste në ditë, që është 21 për qind më pak se javën e kaluar.
BAG raporton 77 raste të reja të dekjeve. Mesatarja 7 ditore e vdekjeve nga covid-19 është 68 në ditë ose 18 për qind më pak se në javën e kaluar.
Aktualisht BAG raporton 2633 persona që po trajtohen për Covid-19 në spitalet zvicerane. Kjo është 1 për qind më pak se në javën e kaluar, përcjell albinfo.ch.
Shtretërit çertifikuar të kujdesit intensiv në spitalet zvicerane janë aktualisht 87.0 përqind të zënë. Ndërsa duke përfshirë shtretërit ad hoc, shkalla e zënies së tyre është 73.0 për qind.
