Një vjedhje e rëndë është raportuar në Klinë. Sipas Policisë së Kosovës, persona të panjohur kanë hyrë me forcë në shtëpinë e një mashkulli kosovar dhe kanë vjedhur para të gatshme dhe stoli ari, transmeton albinfo.ch.
Në total, hajnat morën:
• 4,000 franga zvicerane
• 250 paund britanik
• 50 kruna norvegjeze
• Stoli të ndryshme ari me vlerë rreth 19,100 euro
“ Njësitë policore kanë dalë menjëherë në vendngjarje dhe po e hetojnë rastin, për të cilin është njoftuar edhe prokurori”, thuhet në raportin 24-orësh të Policisë së Kosovës.
Policia po bën apel te qytetarët për të qenë vigjilentë dhe për të raportuar çdo aktivitet të dyshimtë në lagjet e tyre. /Albinfo.ch
