Rrallëherë tërheqja e një figure sportive nxit një shpërthim të tillë emocionesh si njoftimi të enjten se Roger Federer është gati t’i japë fund karrierës së tij yjore, përcjell albinfo.ch.
Mes mijëra homazheve që lavdërojnë Federerin në mediat sociale, ministrja e Mbrojtjes, Viola Amherd, tha se Federer “ishte një ambasador i jashtëzakonshëm për vendin tonë”.
Nicolas Bideau, president i institutit “Presence Suisse”, shkroi në Twitter se “asnjëherë një person nuk ka pasur një ndikim të tillë në imazhin e Zvicrës në botë. Roger Federer mishëroi në mënyrë të përsosur imazhin e Zvicrës”.
Dhe humoristi zviceran Thomas Wiesel postoi se ndërsa Britania e Madhe “thuhet se humb monarkun e saj, ne jemi të trishtuar që humbasim tonin”.
