Kryeministrja britanike, Theresa May, ka mbajtur sot një konferencë të jashtëzakonshme për media, ku ka folur për karrierën e saj.
Ajo ka njoftuar se pas dy javësh do të largohet nga drejtimi i Partisë Konservatore, duke i hapur rrugë zgjedhjes së një kryeministri të ri britanik.
Kurse zyrtarisht zyrën e Kryeministrisë do ta lëshojë në korrik, shkruajnë mediat britanike, transmeton Indeksonline.
May ka theksuar se dorëheqje do të japë pas vizitës së presidentit të SHBA-së në Britani, Donald Trump.
Ajo e përlotur njoftoi për largimin e saj, duke thënë se sa ishte në pozitë ka bërë më të mirën e mundshme për shtetin.
Kryeministrja mori këtë vendim pas dështimin për kalimin e BREXIT në Parlamentin britanik.
