Më 17 Maj 2015 në Spreitenbach të Aargaut ka filluar zyrtarisht veprimtarinë e saj Shoqata “Greikoci”. Në bazë të rrethanave dhe kërkesës së mërgimtarëve të fshatit Greikoc (komuna e Therandës) është marrë vendim të formohet një shoqatë humanitare, bëhet e ditur në një komunikatë për medie të dërguar nga kjo shoqatë.
Greikoci ka mbi 2`000 banorë që jetojnë në mërgatë, në shtetet e Evropës Perëndimore prandaj është edhe një ndër fshatrat më të pasur në Republikën e Kosovës.
Duke pasur parasysh që shteti i po sa formuar ka vështirësi serioze në plotësimin e kushteve primare jetësore të banorëve, mërgimtarët e Greikocit kanë marrë këtë iniciativë për t`i dalë në ndihmë fshatit të tyre në mirëmbajtjen e ambientit, infrastrukturën e fshatit, ambientet e kultit, aktivitetet sportive, ndihmë për familjet me nevojë etj.), thuhet më tutje në komunikatë.
Shoqata do të funksionojë sipas statutit të bazuar në ligjin zviceran (ZGB). Kryesia e Shoqatës do të bashkëpunojë me organet zyrtare të Zvicrës dhe ato të Kosovës.
Kjo shoqatë është komplet e pavarur.
Anëtarët themelues të kësaj shoqate vendosën shumën vjetore për anëtarë nga CHF 100.-/në vit dhe votuan edhe simbolin e shoqatës tyre i cili përfaqëson karakteristikat e fshatit Greikoc, thuhet veç tjerash në komunikatën e dërguar nga shoqata e e themeluar rishtas, “Greikoci”.
