Një numër i madh i mërgimtarëve gjendet edhe në Kanada, mirëpo tani për herë të parë në Ontario të Kanadasë është themeluar Shoqata e Avokatëve Shqiptaro-Kanadezë, (ACLA).
Kjo shoqatë do të krijojë hapësirë për bashkëpunime mes avokatëve shqiptarë dhe atyre kanadezë, përcjell albinfo.ch.
Kjo shoqatë gjithashtu do të ofrojë mbështetje dhe konsulencë për komunitetit shqiptar në zgjidhjen e problemeve të ndryshme ligjore.
“Në përkrahje të këtyre qëllimeve, ACLA mëton të bëhet një zë dhe lider për avokatët shqiptaro-kanadezë që t’i shtyjë ata më tutje në këtë profesion ligjor, të respektuar në Ontario dhe Kanada”, është shkruar në faqen e tyre.
Në faqen e tyre zyrtare tashmë është bërë i ditur edhe bordi i shoqatës që përbëhet nga Anisa Arra (kryetare e shoqatës), Lusi Brace (drejtore për komunikim) dhe Pamela Metani (drejtore për anëtarësi).
Hapja zyrtare e shoqatës do të bëhet më 27 maj 2019, duke filluar nga ora 18:00 në Borden Ladner Gervais LLP.
