Kampi në fjalë do të mbahet nga 3 deri më 17 korrik 2014 . Përmes aktiviteteve të ndryshme kampi do t’u mundësojë nxënësve të mësojnë në lidhje me parimet e dialogut ndërkulturor dhe të komunikimit si dhe për tolerancën në mesin e fëmijëve dhe të rinjve të kulturave të ndryshme.
Deri tani kampet ndërkulturore të organizuara nga koalicioni i organizatave rinore “SEGA” ishin përfshirë 160 nxënës nga 10 shkolla fillore dhe 5 të mesme nga Prilepi , Dibra, Kumanova, Tetova, Kavadarci, Ohri, Struga, Gostivari, Manastiri dhe Shtipi.
Ata do të udhëtojnë në Fshatin e Fëmijëve në Trogen dhe do të jetojnë së bashku në një shtëpi gjatë gjithë kohës duke qenë pjesë e kurseve për edukimin ndërkulturor dhe të drejtat e fëmijëve. Ata gjithashtu do të shkëmbejnë përvojat e tyre ndërkulturor me një grup tjetër të kolegëve të tyre nga Ukraina.
Në fund të kampit fëmijët dhe të rinjtë do të përgatisin një plan veprimi për shkëmbimin dhe transferimin e njohurive nga ajo që kanë mësuar në Zvicër për bashkëmoshtarët e tyre në vend.
