Nga e enjtja, Swiss dhe Edelweiss vendosin rregulla të reja për përdorimin e power bank-ëve gjatë fluturimeve. Përdorimi dhe karikimi i tyre në bord është tani plotësisht i ndaluar, ndërsa secili pasagjer mund të ketë maksimumi dy power bank.
Power bank-ët nuk mund të ruhen më në pjesën e sipërme të kabinës dhe nuk mund të kalojnë 100 watt-orë. Pasagjerët që dëshirojnë të nisen me telefonin e plotësisht të karikuar mund të përdorin vetëm prizat e avionit për karikim. Në bagazhet e regjistruara, power bank-ët mbeten të ndaluar, transmeton albinfo.ch.
Disa avionë të Swiss dhe Edelweiss nuk kanë ende porta karikimi në kabinë, veçanërisht në fluturimet e shkurtra dhe mesatare.
Pse këto ndryshime?
Lufthansa Group, ku bëjnë pjesë Swiss dhe Edelweiss, thotë se masa ka për qëllim rritjen e sigurisë, pasi bateritë e litiu mund të shkaktojnë zjarr në rast defekti.
Si qëndrojnë të tjerët?
Helvetic Airlines dhe Emirates kanë ndaluar përdorimin e power bank-ëve më herët. Emirates lejon vetëm një power bank për person dhe gjithçka mbi 100 Wh është e ndaluar.
Air France lejon deri në 20 power bank, por nuk lejon përdorimin ose karikimin e tyre në bord.
British Airways lejon deri në katër power bank, dhe ato mund të ruhen në kabinë.
Avionët e linjave low-cost
EasyJet lejon dy power bank për person dhe përdorimi i tyre është i lejuar, por jo të gjitha avionët kanë porta karikimi.
Wizz Air ka rregulla të ngjashme.
