Informacionet e fundit tregojnë se sulmi ndodhi në një kishë në qendër të Nicës, përcjell albinfo.ch.
Të paktën tre njerëz janë vrarë – dy prej të cilëve me prerje koke – dhe disa të tjerë janë goditur me thikë në një sulm terrorist në një katedrale në Nicë të Francës.
Sipas mediave të huaja, sulmi filloi rreth orës 9 të mëngjesit, ndërsa po zhvillohej mesha në bazilikën e Notre Dame – kisha më e madhe katolike romake në Nicë.
Policia shpejt rrethoi zonën, ku qëlloi dhe arrestoi sulmuesin, i cili është dërguar në spital.
Prokurori anti-terror i Francës ka marrë përsipër hetimin për sulmin me thikë në Nicë, tha një zëdhënës i zyrës së prokurorit, shkuran CNN.
Sulmi me thikë ndodhi në afërsi të kishës kryesore të qytetit, Bazilikën e Notre Dame.
Këshilli Francez i Besimit Mysliman ka dënuar sulmin me thikë në qytetin e Nicës, i cili la tre të vdekur.
“Ne dënojmë me forcë sulmin terrorist që ndodhi afër Bazilikës Notre-Dame në Nicë. Në shenjë zie dhe solidariteti me viktimat dhe familjet e tyre, unë u bëj thirrje myslimanëve të Francës që të anulojnë të gjitha festimet e Mevludit”, shkroi këshilli në Twitter.
