Sot në orën 15:00 do të mbahet paraqitja e parë e Kadri Veselit në sallën e gjyqit të Dhomave të Specializuara të Kosovës (DHSK) në Hagë.
Paraqitja e parë e Kadri Veselit do të mbahet në seancë publike, shkruajnë mediat kosovare, përcjell albinfo.ch.
“Gjatë paraqitjes së parë, gjykatësi i procedurës paraprake siguron që të respektohen të drejtat e të akuzuarit, ndër të cilat e drejta për përfaqësim ligjor dhe që i akuzuari të kuptojë akuzat kundër tij”, thuhet në komunikatën për media.
Kujtojmë se dje është paraqitur ish-kryetari i Kuvendit të Kosovës, Jakup Krasniqi dhe tashmë ish-presidenti Hashim Thaçi.
