Zvicra kishte rreth 275.000 vende pune me paga të ulëta në vitin 2010, një pagë më të ulët se 3.986 franga në muaj bruto, shkruhet në publikimin e informatave të Entit Federal Statistikor (EFS). Këto vende përfaqësojnë 10.5% të të gjitha punëve të ofruara nga kompanitë e ndryshme.
Gratë janë më të prekura nga ky fenomen, duke përfaqësuar një shumicë të qartë (68.4%) e të pagava të ulëta. Gati gjysma e këtyre vendeve të punës janë përqendruar në sektorët e shitjes me pakicë, furnizimit ushqimor, restoranteve, strehimit si dhe të ndërtimit e stolisjes së peizazheve, tregon EFS.
Më shumë se gjysma e pagave të ulëta (52.9%) janë të ofruara nga ndërmarrjet e vogla, që punësojnë më pak se 50 veta. Në përgjithësi, niveli i pagave rritet me madhësi të ndërmarrjeve.
Për Unionin sindikal të Zvicrës të dhënat e mbledhura nga EFS-i theksojnë problemin urgjent të pagave të ulëta. Pjesa më e madhe e vendeve të punës në fjalë vjen nga sektorët ku asnjë konventë kolektive për paga minimale nuk është bërë.
Unioni sindikal i Zvicrës ka paraqitur në fillim të këtij viti një iniciativë për paga minimale. Teksti bën thirrje për nxitjen e marrëveshjeve kolektive të punës, por edhe për një pagë minimale të garantuara nga 4000 franga.
