TCS thotë se është “mbytur” me thirrje për ndihmë, ndërsa temperaturat e ulëta kanë përfshirë vendin.
Oficerët e patrullave kryen më shumë se dy mijë ndërhyrje vetëm të hënën – dyfishi i numrit të zakonshëm.
Shumica u shkaktuan nga bateritë e shkarkuara, të cilat humbasin kapacitetin në mot të ftohtë, transmeton albinfo.ch.
Shoferëve po u këshillohet të fikin pajisjet që konsumojnë energji para se të ndezin makinat e tyre.
Organizata e automobilave paralajmëron gjithashtu se lënia e motorëve ndezur pa nevojë është e paligjshme dhe mund të çojë në një gjobë në vend.
