Një pilot i Forcave Ajrore Polake ka vdekur tragjikisht gjatë një prove për shfaqjen ajrore në qytetin Radom të Polonisë. Ngjarja ndodhi të mërkurën pasdite, rreth orës 17:30, kur një avion luftarak F-16 u rrëzua dhe mori flakë.
Zëdhënësi i qeverisë polake konfirmoi se piloti nuk arriti të mbijetonte përplasjen. Mediat vendase raportojnë se avioni u dogj plotësisht, duke shkaktuar tronditje tek të pranishmit që po ndiqnin përgatitjet e shfaqjes ajrore.
