Quhet Rinesa, është shqiptare nga Kosova, pikërisht nga qyteti i Gjilanit, ku së fundmi ka arritur një sukses akademik duke u diplomuar me rezultate të larta në Universitetin Webster në Gjenevë, një nga institucionet më prestigjioze të arsimit të lartë në Zvicër, transmeton albinfo.ch.
Por jo vetëm kaq!
Rinesa u shqua për arritjet dhe inteligjencën e saj gjatë viteve të studimeve, andaj përfaqësuesit e Universitetit Webster e kanë shpallur atë ndër gjashtë studentet më të dalluara të gjeneratës, transmeton tutje albinfo.ch.
Këtë vlerësim të lartë e kanë dhënë vetë profesorët e këtij universiteti, pasi që Rinesa ka treguar performancë të mirë dhe ka diplomuar në dy drejtime paralelisht, duke dëshmuar përkushtimin dhe potencialin e saj të jashtëzakonshëm akademik.
Ky është një tjetër shembull frymëzues i të rinjve nga diaspora që po tregojnë nivel të lartë profesional dhe intelektual në arenën ndërkombëtare. /albinfo.ch
