Skip to content
Lajme

Pse është e rrezikshme për bankat kërkesa e lartë për ari?

Banka Qendrore Evropiane (BQE) ka ngritur alarmin për një zhvillim të pazakontë në tregjet financiare: ari ka tejkaluar euron si rezervë e dytë globale më e rëndësishme për bankat qendrore, pas dollarit amerikan. Ky ndryshim po sjell shqetësime serioze për stabilitetin financiar ndërkombëtar. Sipas BQE-së, rritja e fortë e kërkesës për ar fizik, në krahasim […]

Banka Qendrore Evropiane (BQE) ka ngritur alarmin për një zhvillim të pazakontë në tregjet financiare: ari ka tejkaluar euron si rezervë e dytë globale më e rëndësishme për bankat qendrore, pas dollarit amerikan. Ky ndryshim po sjell shqetësime serioze për stabilitetin financiar ndërkombëtar.

Sipas BQE-së, rritja e fortë e kërkesës për ar fizik, në krahasim me kontratat e së ardhmes (të ashtuquajturat “ari në letër”), mund të krijojë një pabarazi të rrezikshme në treg. Nëse shumë aktorë kërkojnë dorëzim real të arit sipas kontratave, bankat mund të mos kenë sasinë e nevojshme për të përmbushur angazhimet. Kjo situatë, e panjohur më parë në përmasa të tilla, mund të çojë në vështirësi të thella likuiditeti e madje edhe në falimentim të bankave të caktuara, transmeton albinfo.ch.

Ekspertja financiare Tonia Zimmermann shpjegon se shumë institucione mbajnë vetëm një pjesë të vogël të arit si rezervë, ndërsa pjesa tjetër ekziston vetëm në formë kontratash. Në rast të një vale kërkesash për ar fizik, furnizimi i kufizuar dhe çmimet e larta mund të vënë sistemin bankar nën presion të madh.

Çfarë rrezikohet konkretisht?

Pamundësia për të dorëzuar ar real sipas kontratave

Rritje e çmimit të arit në tregjet globale

Vështirësi në zinxhirët e furnizimit

Potencial për kriza bankare të izoluara

BQE thekson se për momentin situata është e qëndrueshme, por skenarët e rrezikut nuk përjashtohen nëse trendi vazhdon.

 

Të tjera

Shiko të gjitha

Irani thotë se do të lejojë më shumë anije të kalojnë Ngushticën e Hormuzit

Vaud: Banorët ankohen se një lumë pranë tyre po shkakton zhurmë të madhe

Zvicër: Reforma tatimore për shoferët zviceranë mund të jetë në horizont

Shkalla e krimit në Zvicër po rritet, thotë shefja e policisë

Forumi Ekonomik, Kosovë – Austri

Belgjikë: Emigranti fiton llotarinë, nuk merr dot paratë e fituara për shkak se nuk ka leje qëndrimi

3 arsyet pse duhet të pini çaj të gjelbër

Zvicër: Qeveria miraton masterplanin për mbrojtjen kibernetike të ushtrisë

Aktualiteti

Shiko të gjitha

“Innovation & Leadership Conference 2026”, platformë që lidh inovacionin, biznesin dhe lidershipin shqiptar në Zvicër

“Prima Pflege”, e Merita Pintes, ndjek trendet e kohës, ofron shërbime “Inhouse Spitex”

Misioni humanitar zviceran ‘’Barakah’’ në Shqipëri dhe në Kosovë

Kosova do të aplikojë për anëtarësim në BE këtë vit