Protestohet kundër privatizimit

Disa qindra qytetarë kosovarë kanë protestuar të enjten në Prishtinë kundër privatizimit të ndërmarrjeve publike, Postës dhe Telekomit të Kosovës (PTT), Korporatës Energjetike të Kosovës dhe likuidimit të Trepçës. Protestuesit e organizuar nga Bashkimi i Sindikatave të Pavarura të Kosovës (BSPK) kërkuan ndërprerjen e privatizimit në këtë periudhë krize.Protestuesit, kryesisht ish-punëtor të ndërmarrjeve shoqërore, me slogane në duar kërkuan që të ndërpritet privaztimi, dh se PTK, KEK dhe Trepça nuk shitën. Kryetari i Këshillit organizativ të protestës, Alush Sejdiu ka kërkuar që të rishikohet procesi i privatizimit në tërësi dhe të shihen të gjitha efektet e tij gjatë gjithë periudhës së kaluar.“Të ndërpritet çdo proces i privatizimit deri në përfundimin e vlerësimit të komisionit parlamentar për këtë çështje, të ndërpritet çdo procedurë e nisur për likuidimin e Trepçës. Ne presim që këto kërkesa të merren në konsideratë”, deklaroi Sejdiu, sipas të cilit, protestës i ka paraprirë një peticion i nënshkruar nga 60 mijë qytetarë.Ndërkaq Kryetari i BSPK-së, Haxhi Arifi duke iu drejtuar protestuesve tha se protesa filloi të japë rezultate të menjëhershme. “Qeveria e Kosovës ka anuluar nënshkrimin e kontratës me konsorciumin fitues “Limak&Çalik” të distribucionit të Korporatës Energjetike të Kosovës”, u tha Arifi protestuesve.“Pikërisht na gëzon fakti që është ngritur vetëdija që të na kuptojnë se në këto nuk i bëjmë për veten tonë, por i bëjmë për punëtorët, për popullin që jeton në Kosovë”, thekson Arifi. Ndryshe, protestuesit u shpërndanë të qetë. Kjo, ndërkaq është protesta e parë e BSPK-së brenda këtij viti që kundërshtohet privatizimi.