Kosova pritet të pranohet në UEFA dhe FIFA dhe kjo çështje pritet të qartësohet shumë shpejt. Kosova pritet të pranohet në UEFA më 3 maj, derisa dhjetë ditë më vonë në FIFA, shkruan albinfo.ch
Tashmë FIFA ka konfirmuar edhe zyrtarisht se ka pranuar aplikimin e Kosovës në Kongresin që do të mbahet më 13 maj në Meksiko City. Vizita e delegacionit të UEFA-s dhe FIFA-s më 13 dhe 14 prill, është një sinjal tjetër se pranimi i Kosovës në këto dy organizata është punë e kryer.
Në bazë të rregullave, Kosova duhet të pranohet në UEFA më 3 maj në Budapest të Hungarisë, e më pas do të pranohet edhe në FIFA më 13 maj. Për t’u pranuar në UEFA nevojiten 28 vota.
