PDK po angazhohet për rrëzimin e Qeverisë Kurti

0 Likes 0 Share

Shefi i Grupit Parlamentar të Partisë Demokratike të Kosovës, Abelard Tahiri, ka deklaruar sot se janë duke u angazhuar që ta rrezojnë Qeverinë. Në prononcimin e tij pas mbledhjes së Kryesisë së Kuvendit ka theksuar se në takimin e 14 shtatorit në Bruksel, në mes të kryeministrit Albin Kurti dhe presidentit të Serbisë, Aleksandar Vuçiq, […]

Shefi i Grupit Parlamentar të Partisë Demokratike të Kosovës, Abelard Tahiri, ka deklaruar sot se janë duke u angazhuar që ta rrezojnë Qeverinë.

Në prononcimin e tij pas mbledhjes së Kryesisë së Kuvendit ka theksuar se në takimin e 14 shtatorit në Bruksel, në mes të kryeministrit Albin Kurti dhe presidentit të Serbisë, Aleksandar Vuçiq, Kosova nuk do të ketë avantazh për shkak të masave të vendosur nga Shtetet e Bashkuara të Amerikës dhe Bashkimit Evropian, teksa, sipas tij, në procesin e dialogut Serbia është në avantazh, shkruan albinfo.ch.

“Përderisa jemi të sanksionuar kemi disa masa të vendosura nga BE e SHBA nuk mund të flasim për avantazhin e Kosovës. Nuk shkon Serbia e sanksionuar, por Kosova shkon e sanksionuar, ky është një dëm që Qeveria i ka shkaktuar Kosovës”, tha ai.

Ndër të tjera ai u shpreh se Kurti në dialog është treguar jotransparent.

“Kurtin në këtë proces e karakterizon një mostransparencë. Kosova vazhdoi rrugëtimin e saj të izoluar fatkeqësisht dhe ne e kemi angazhimin që të ja shkurtojmë jetën kësaj Qeverie. Efektin si rezultat të këtyre masave do ta shohim në vitet në vijim. Pasojat ne do t’i vuajmë edhe në vitet e ardhshme”, tha ai.