Ky eveniment, që tashmë zhvillohet me sukses të madh në gjithë Italinë që prej 12 vjetësh, është krijuar nga balerini i njohur shqiptar i karrierës ndërkombëtare, Enkel Zhuti, i cili do të marrë pjesë personalisht në këtë premierë për Zvicrën, pionier i së cilës do të jetë Kantoni i Neuchâtelit.
Për ketë premiere, ku janë regjistruar tashmë 220 nxënës nga të gjitha shkollat e kantonit në 12 grupe, e të cilët do të konkurrojnë për fituesin e kupës 2012, do të kemi të ftuar nderi kryetarin e Akademisë se Shkencave të Shqipërisë, Gudar Beqiraj, gazetaren e njohur të BBC-së, Mirela Manaj, si dhe një juri ndërkombëtare të ardhur nga Londra e Milano.
Kënga e hapjes së Olympiadës se Baletit, kushtuar Neuchâtëlit, si pionier i parë i këtij aktiviteti, është krijuar nga kompozitori i njohur shqiptar, Edmond Zhulali, dhe do të këndohet për here të parë nga rok-stari më i ri shqiptar, Dilan Reka.
Afishja është punuar me mjeshtëri nga Premtim Hajdari, gjë qe i jep vulën e një produksioni shqiptar këtij aktiviteti të rëndësishëm kulturor-sportiv të kantonit Neuchâtel.
Aktiviteti drejtohet nga animatori i njohur neuchatelas, David Haeberli nën drejtimin artistik të Edlira Dedja Bytyqit.
Për më shume informacione, konsultoni faqen në Facebook: “Comité Olympiades”.
Jeni të ftuar të vini me gjithë fëmijët tuaj ne këtë manifestim artistik, sportiv e festiv, duke ju siguruar se do të përjetoni mbresa të mëdha si dhe krenari për artistët e krijuesit tuaj.
Më shumë informacione:https://albinfo.k-clients.com/njoftime/neuch%C3%A2tel-olimpiada-e-baletit-me-enkel-zhutin-68210
