Për tre vite, nga viti 2014 në vitin 2017, për shqiptarët jeta nuk pati ndonjë ndryshim të perceptueshëm. Pohimi vjen nga sondazhi botëror i Gallup për vlerësimin e jetës së njerëzve, i kryer në 115 shtete.
Shqipëria është e përfaqësuar në hartën e ndryshimit në figurë me një ngjyrë gri të lehtë, çka do të thotë se ka patur shumë pak ose aspak ndryshim në notën që vetë shqiptarët i japin standardit të tyre të jetesës.
Rëniet më të mëdha në këtë indeks për 10 vitet e fundit i takojnë pas Greqisë me 25%, Spanjës dhe Egjiptit me përkatësisht 22 dhe 17 pikë përqindje, shkruan ‘Scan’.
Ndërkohë, shteti me rritjen më të madhe të vlerësimit të jetës në 3 vitet e fundit është Kosova me 25%, përcjell albinfo.ch.
Megjithatë duhet thënë se vlerësimi është ende shumë i ulët, me vetëm 36% të njerëzve që shprehen se jetët po lulëzojnë. Megjithatë, Gallup cilëson se matja në Kosovë u bë në mes të zgjedhjeve parlamentare.
Rezultatet e sondazhit bazohen në intervista me telefon dhe kokë më kokë me rreth 1 mijë të rritur në secilin shtet.
