Ndër risitë që sjell viti i ri 2021 në Zvicër është edhe ligji për përfitimet para-pensionale, transitore të personave të papunë, që kanë arritur moshën 60 vjeçare.
Meqenëse referendumi kundër ligjit të ri mbi përfitimet para-pensionale nuk u votua, nuk ka më asnjë pengesë në rrugën e realizimit të tij në vitin 2021, shkruan blick.ch. Por, Këshilli Federal ende nuk ka përcaktuar datën e saktë të hyrjes në fuqi, transmeton albinfo.ch.
Të gjithë ata që janë përjashtuar (pasi e kanë konsumuar atë) nga sigurimi i papunësisë pas 60 vjetorit të lindjes, kanë të drejtën e një përfitimi transitor derisa të arrijnë moshën e pensionit të pleqërisë.
Për këtë, duhet të plotësohen disa kushte, duke përfshirë një periudhë minimale sigurimi në AHV (fondi pensional i moshës dhe trashëgimisë) prej 20 vjetësh, nga të cilat 5 vjet pas mbushjes së moshës 50 vjeçare, përcjell albinfo.ch. Për më tepër, pasuritë e personit në fjalë duhet të jenë më pak se 50,000 franga (100,000 franga për çiftet e martuara).
Përfitimi i tillë transitor, ashtu sikurse edhe përfitimet shtesë (Ergänzungs Leistungen, EL), bazohet në shpenzimet e njohura dhe të ardhurat e marrësit. Por, shuma është e kufizuar në 2.25 herë sasinë për nevojat e përgjithshme të jetesës për EL, d.m.th. H. në 43,762 franga në vit për personat beqarë dhe 65,644 franga për çiftet e martuara.
