Në Prishtinë fillon Java e filmit shqiptar

Mbrëmjen e parë shfaqet për herë të parë filmi “Skënderbeu”, i restauruar dhe i përpunuar në laboratorët e Italisë. Janë ftuar personalitete publike dhe të kulturës, ndërsa do të vijnë edhe kineastë nga Shqipëria. Pas shfaqjes së filmit do të organizohet një koktej debati.Mbrëmjen e dytë shfaqet filmi “Nëntori i dytë”, i regjisorit të famshëm Viktor Gjika dhe “Tomka dhe shokët e tij”. Filmi “Nëntori i dytë” është restauruar e përpunuar në SHBA.Java e filmit shqiptar organizohet nga Kosovafilmi, mbështetur nga Ministria e Kulturës, Rinisë dhe Sporteve dhe Arkivi i Filmit Shqiptar. Për të gjithë adhuruesit e filmit shqiptar, hyrja do të jetë pa bileta, shkruan koha.net, përcjell albinfo.ch.