Suna Arifi, qytetare nga Gjilani, me qëndrim të përkohshëm në Zvicër, ka shprehur dëshirën që në bashkëpunim me Policinë e Kosovës – Rajoni i Gjilanit, të shpërndajë dhurata për fëmijët e familjeve me gjendje jo të mirë ekonomike.
Siç raportojnë mediat lokale, së bashku me zyrtarët e njësisë për bashkëpunim me komunitetin kanë shpërndarë gjithsej 60 dhurata në 11 familje shqiptare, 4 familje rome dhe 1 familje boshnjake.
“Ky gjest i bashkëvendëses sonë ka treguar dëshirën e saj për t`i gëzuar fëmijët skamnorë në prag të festës së fundvitit dhe njëherësh ka treguar besimin që ka pasur në Policinë e Kosovës që së bashku t`i gëzojnë këta fëmijë”, ka thënë Shaban Azizi, përcjell albinfo.ch.
