Në Lucern rreth 5,500 metra kub shkëmb kërcënojnë katër ndërtesa banimi dhe binarët e hyrjes në stacionin hekurudhor, përcjell albinfo.ch.
Prandaj, autoritetet e qytetit kanë instaluar një sistem monitorimi dhe alarmi, siç u njoftua gjatë një konference për shtyp të premten.
Materiali i paqëndrueshëm u zbulua në mes të gushtit.
Shkëputja e shkëmbit mund të ndodhë shumë shpejt dhe dëmet mund të jenë të mëdha, sipas ekspertëve që bënë një vlerësim të situatës të enjten. Zona e prekur ndodhet pranë Schlössli Schönegg, në shpatin Gütsch.
Për arsye sigurie, banorët mund të përdorin vetëm një pjesë të shtëpive të tyre, siç shpjegohet nga autoritetet. Për sa i përket linjës hekurudhore, shkëmbi mund të shembet në portalin e tunelit Gütsch.
Në rast alarmi, qarkullimi hekurudhor ndërpritet automatikisht dhe banorët paralajmërohen për rrezikun me sinjale drite dhe zanore.
