Sipas njoftimit të Policisë së Shqipërisë kufiri midis Shqipërisë dhe Greqisë do të mbyllet për 24 orë. Kështu, duke nisur nga nesër në datë 19 tetor 2017 në orën 07:00 deri në 20 tetor 2017, ora 07:00, Dogana greke do të zhvillojë një grevë dhe për pasojë nuk do të do lejohet qarkullimi i automjeteve drejt shtetit të Greqisë dhe anasjelltas, por vetëm lëvizja e këmbësorëve.
Njoftimi i plotë i policisë shqiptare:
Njoftohemi nga Policia Greke se për shkak të një greve që do të zhvillohet nga Dogana Greke, duke filluar nga ora 07:00 të datës 19.10.2017 deri në orën 07:00 të datës 20.10.2017 nuk do lejohet qarkullimi i automjeteve drejtë shtetit të Greqisë dhe anasjelltas.
Do të lejohet vetëm lëvizja e këmbësorëve.
