Loredana dhe Mozzik zbuluan se ishin bërë pronar të një veture super luksoze të tipit Mercedes Benz.
“Mirë se erdhe në shtëpi, shpirt”, kishte shkruar me këtë rast reperi ferizajas.
Mirëpo lidhur me këtë ka reaguar edhe gruaja e njohur si Petra Z., e cila po e akuzon këngëtaren së bashku me të vëllanë se përmes mashtrimeve dhe zhvatjeve i kishin marrë 900 mijë franga.
Ajo iu referua kërkesës së Loredanës për avokat shtetëror si shenjë mungese parash, shkruan gazeta zvicerane Blick, përcjell albinfo.ch.
“Nuk ka para për shpenzime ligjore, por me sa duket paska sa të duash për një Mercedes Benz të ri. Tani ata kanë tri vetura, ndërsa ne jetojmë në varfëri. Kjo gjë po më shkatërron”, u shpreh ajo.
Ndryshe, Petra Z. nuk e ka akuzuar vetëm dyshen e lartcekur, por edhe kunatin e reperes, Getinjon, i cili thuhet se i ka marrë para nga llogaria bankare me justifikimin se ka nënën e sëmurë.
