Mbrëmja letrare në një nga sallat e bibliotekës së qytetit u organizua me iniciativën e shoqatës gjermano-shqiptare për integrim, IDEAL në kuadër të veprimtarive me rastin e 100 vjetorit të pavarësisë së Shqipërisë, raporton DW.
I pranishëm në këtë aktivitet ishte edhe ambasadori i Shqipërisë në Berlin, Valter Ibrahimi.
Publicisti Virgjil Kule iu përgjigj pyetjeve të auditorit për librin e tij “Gjergj Kastrioti Skëndërbeu – Kryqëtari fundit” si dhe u shfaq dokumentari i po të njëjtit autor „Romacë Jonike – Përgjatë bregdetit jugor të Shqipërisë“.
Pas një bisede të ngohtë mes autorit dhe pjesëmarërsve të këtij takimi, ambasadori i Shqipërisë Valter Ibrahimi i dorëzoi nëndrejores së biblotekës kompletin e librave për fëmijë të Gaqo Bushakës, “Aventurat e Çufos“.
Por edhe disa libra të tjerë iu bashkangjitën këtij kompleksi duke pasuruar kështu fondin e librave në gjuhën shqipe në këtë biblotekë.
Dhurimi simbolik i librave në gjuhën shqipe fondit të bibliotekës gjermane të qytetit të Esenit, është shumë domethënës për organizatoren e mbrëmjes letrare.
Sipas zonjës Stephan ky aktivitet ka rëndësi edhe për faktin që zhvillohet në Gjermani në një vend ku publiku i kulturuar ka një interes të veçantë për t’u njohur me kulturën dhe historinë e shqiptarëve.
Gjermania vuri në pah Anduena Stephan është i vetmi vend që ka fonde të posaçme për fëmijët me prejardhje jo gjermane që të mësojnë gjuhën e tyre të nënës.
