Partia më e madhe gjermane CDU me çrast edhe vetë Gjermania po ndodhet në fazë tranzitore për shkak se kancelarja Angela Merkel nuk do kandidojë më për kreun e partisë. Tre kandidatët potencialë për ta zëvendësuar atë janë tre Friedrich Merz, Jens Spahn dhe Annegret Kramp-Karrenbauer. Dy të parët njihen si konservatorë, kurse e treta njihet si më besnike e politikave të Merkel.
Kandidati i parë Friedrich Merz (62) njihet si rivali më i madh i Merkelit. Ai shpesh ka folur për kulturën “dominante gjermane”, kundër dyshtetësisë dhe ka kritikuar ritualet tradicionale muslimane. Poashtu ka kërkuar nga emigrantët që duhet të pranojnë zakonet e tyre gjermane.
Fitorja e tij do sjellte një ndryshim të rrënjësishëm të politikave të kancelares Angela Merkel. Por gjasat janë të vogla, pasi treni i tij ka ikur.
Kandidati tjetër Jens Spahn (38) është ministër i shëndetësisë dhe poashtu njihet për linjën e ashpër konservatore. I rritur si katolik, ai nuk mendon se Merkeli se “Islami është pjesë e Gjermanisë.”
Kandidatja tjetër Kramp-Karrenbauer ka shërbyer me sukses në rajonin gjerman Saarland. 56 vjeçarja është tepër e afërt me Merkelin, ku ardhja e saj në Berlin gjatë 2018 mendohet se ka ndodhur për t’u përgatitur si kancelare e ardhshme. Ajo vetë është pasqyrë e një familje moderne: burri i saj rriti tre fëmijët, kur ajo kryente karrierën.
Si pjesë e CDU ajo ka qenë kundër martesave të të njëjtit seks dhe ka qenë skeptike rreth dyshtetësisë për turqit. Në politikën e refugjatëve ka mbështetur hapur Merkelin.
