Në Kosovë po mbahet protesta kundër rritjes së çmimit të energjisë elektrike me 15 për qind, sa ishte propozuar nga Zyra e Rregullatorit për Energji, përcjell albinfo.ch.
Në sheshin “Zahir Pajaziti” është mbledhur një numër i madh qytetarësh për të kundërshtuar këtë propozim, i cili sot ishte në rend dite për t’u votuar në mbledhjen e Bordit të ZRrE-së.
Me pankarta në duar si “Mbro familjen tënde – protesto”, “Qytetarët nuk janë bankomat”, “Nuk paguajmë për dështimet tua” etj., protestuesit shprehën pakënaqësinë ndaj kërkesës së kompanive energjetike për rritjen e tarifave të rrymës.
