Largimi i Albert Bunjakit nga posti i përzgjedhësit të Kosovës është i sigurt. Dy ndeshjet e fundit kualifikuese pritet të jenë të fundit për të.
Edhe drejtuesit e Federatës së Futbollit të Kosovës kanë konfirmuar se janë duke kërkuar trajner të huaj. Kështu është shprehur sekretari i FFK-së për “KTV”-në.
Edhe Bunjaki kishte pranuar se këto janë ndeshjet e fundit që ai drejton, dhe nuk e ka ndërmend të vazhdojë bashkëpunimin me FFK-në si përzgjedhës, përcjell albinfo.ch.
Kosova nga tetë ndeshje të zhvilluara ka vetëm një barazim dhe shtatë humbje, duke qenë e fundit në grupin kualifikues.
