Shumë kompani ajrore, por edhe të tjera, janë detyruar të shkurtojnë vendet e punës, përfshirë më shumë se 15,000 në Britani, pasi përgatiten për një treg, i cili nuk parashikohet të kthehet në nivelet e vitit 2019 deri në vitin 2023, shkruan reuters, përcjell albinfo.ch.
‘EasyJet’ tha të enjten se do të nisë një proces konsultimi me stafin, gjithashtu planifikon të zvogëlojë flotën e tij me 15%, në 302 aeroplanë deri në fund të vitit 2021 dhe të shkurtojë kostot përmes marrëveshjeve me aeroportet, furnitorët e mirëmbajtjes dhe marketingun.
Aksionet në ‘EasyJet’ u rritën 6%, niveli i tyre më i lartë që nga mesi i marsit, përpara se koronavirusi të ulte flotën e tij. “Saktësisht lloji i rregullimit të nevojave të bazës së kostos”, tha analisti i Bernstein Daniel Roeska për shkurtimet e EasyJet, të cilat shkojnë më thellë se ato të Ryanair dhe Wizz Air, të cilët kanë thënë se do të pushojnë 19% të stafit.
Shefi Ekzekutiv i EasyJet, Johan Lundgren, tha se shkurtimi i vendeve të punës do të sigurojë që EasyJet të shfaqet si “një biznes më konkurrues”. Rreth 8,000 persona prej stafit të tij janë me qendër në Britani, përcjell tutje albinfo.ch.
