Përbërësit:
• 150gr kajmak,
• 200gr djathë të ri,
• 250gr miell misri,
• 1litër ujë,
• kripë.
Përgatitja:
Marrim një tenxhere, e mbushim me 1 litër ujë dhe e lëmë të vlojë.
Pak para vlimit shtojmë kripën dhe miellin, duke e përzier vazhdimisht.
Po sa të fillojë të vlojë, e mbulojmë me kapak dhe e lëmë të ziejë në temperaturë mesatare për 10min.
Më pas shtojmë kajmakun dhe djathin e ri të copëtuar.
I përziejmë mirë dhe nga tenxherja e vendosim në tavë dheu (ose të thjeshtë).
Tava piqet në 200°C për rreth 40 minuta, derisa ta marrë ngjyrën e artë.
Ju bëftë mirë
