Ai ka stërvitur klube shumë më të mëdha, kurse tani ka marrë drejtimin e FC Kosova. Për Jürgen Seeberger (51-vjeçar) nuk ka rëndësi. Ai luan një ndeshje sikur të ishte finale e Kupës, shkruan ‘Blick.ch’.
Ai është një trajner karizmatik që kërkon shumë punë. Dhjetë minuta para ndeshjes u drejtohet lojtarëve. “Agresivë, por duhet të jemi të qetë”. FC Kosova Zurich garon në Ligën e dytë ndër-rajonale, apo ligën e pestë të Zvicrës, përcjell albinfo.ch.
Ai ka marrë drejtimin e skuadrës shqiptare në fund të muajit shtator. Skuadra ka rreth 400 tifozë.
Presidenti i FC Kosovës, Arsim Hyseni thotë: “Ai është një emër i madh në botën e futbollit dhe është i ashpër. Prandaj, ai është një zgjedhje e shkëlqyeshme”.
Trajneri është i kënaqur me punën e tij dhe thotë se gjithmonë ka dëshiruar një punë të tillë. Dy lojtarë janë nga Kosova dhe trajneri është i vetëdijshëm se ku ka ardhur. “Futbolli të jep një kontribut të madh për integrim”, thekson ai.
Skuadra është kuqezi, derisa lojtarët përveç stërvitjeve kryejnë edhe punë tjera. Gjithashtu në shkrimin e ‘Blick’ përshkruhet edhe puna e trajnerit, lojtarëve dhe stafit të skuadrës. Ai ka sjellë një mentalitet fitues dhe asnjëherë nuk e dëshiron humbjen. FC Kosova Zurich ndodhet në vendin e pestë, e me synime të mëdha.
