Jacques Moretti, pronari i barit “Le Constellation” në Crans-Montana, Valis, ishte dënuar në Zvicër në vitin 2016. Ai kishte punësuar punëtorë ilegalisht në Crans-Montana, transmeton albinfo.ch. Kjo ngre pyetje nëse atij duhej t’i jepej një leje për të operuar barin që në fillim.
Sipas ligjit të Valisit, individëve me dënime të mëparshme u ndalohet të operojnë një bar në rrethana të caktuara, raporton gazeta NZZ am Sonntag.
Bazuar në dokumente të mëtejshme, gazeta vuri në dyshim përgjegjësinë e kantonit. Në vitin 2015, autoritetet e kantonit kishin kërkuar plane për të gjithë barin, por nuk i pati mrrë ato nga pronari. Megjithatë, rinovimi nuk qe penguar.
Departamenti i zjarrfikësve të kantonit kishte supozuar se ndërtimi nuk kishte filluar, k deklaruar për gazetën Marie Claude Noth-Ecoeur, kreu i departamentit të sigurisë së Valisit.
Sipas rregulloreve të ndërtimit të Kantonit të Valisit, planet duhej të ishin dorëzuar. Pronarët e barit refuzuan të komentonin, raportoi gazeta.
