Të premten (19 korrik, 2019) një 27-vjeçar nga komuna e Kamenicës është gjetur pa shenja jete në fshatin Breznicë.
I njëjti është raportuar si person i zhdukur nga data 17 korrik 2019, transmeton Klan Kosova, përcjell albinfo.ch.
“Më 19 korrik 2019 dyshohet se një person i moshës 27-vjeçare, nga komuna e Kamenicës, si pasojë e kontaktit me energjinë elektrike, në një trafo elektrike, në fshatin Breznicë, ka humbur jetën”.
“I njëjti është raportuar si person i zhdukur nga data 17 korrik 2019. Ndërsa me urdhër të prokurorit, trupi i pajetë i të ndjerit është dërguar për obduksion në IML, në Prishtinë”.
