Goli i Shaqirit i siguron Baselit titullin e kampionit

Ekipi i Baselit me tre futbollistët shqiptarë, Xherdan Shaqiri, Beg Ferati e Granit Xhaka, kanë fituar titullin e 14-të të kampionatit zviceran, në super ligën AXPO.Ekipi i Baselit ka fituar ndeshjen me Lucernin me rezultat 3:0, kurse Shaqiri shënoi golin e dytë në minutën e 45.Edhe Beg Ferati e Granit Xhaka kanë luajtur 90 minuta në ndeshjen e fundit, dhe në përgjithësi kanë dhënë kontribut për suksesin e skuadrës së tyre.Basel u bë kampion me vetëm një pikë më shumë se Cyrihut, ku u paraqiten suksesshëm dy shqiptarët e tjerë, Ardian Nikci dhe Admir Mehmeti.Xherdan Shaqiri duke festuar titullin e kampionit ka preferuar të mos flitet për të ardhmen e tij. “Jo, jo, unë ende kam kontratë në Basel, unë thjesht dua ta gëzojmë titullin dhe filimisht do të shkoj në pushime“, ka thënë ShaqiriBaseli shënoi fitore me plotë meritë dhe arriti të bëhet kampion i ri i Zvicrës. Padyshim për të gjitha këto, merita i takojnë kosovarit Xherdan Shaqiri, pa harruar edhe Beg Feratin, një mbrojtës mjaft i fuqishëm, i cili largohet nga ekipi pasi ka nënshkruar kontratë me ekipin e Freiburg-ut. Basel para kësaj ndeshje ishte i përcjellur me vetëm një pikë më pak nga Cyrihut, i cili po ashtu fitoi ndaj Thunit (1:0). Pas largimit të Feratit  është i mundshëm edhe largimi i Shaqirit nga Baseli, por aty tashmë kanë zënë vend dy vëllezërit e talentuar të futbollit Granit dhe Taulant Xhaka.