Autoritetet në shtetin gjerman të Bavarisë kanë arrestuar pesë burra. Ata dyshohen se kanë planifikuar një sulm në një treg Krishtlindjesh në Bavarinë e Poshtme, sipas Zyrës së Prokurorit Publik të Mynihut, transmeton albinfo.ch. Pesë personat dyshohet se kishin ndërmend ta kryenin sulmin duke përdorur një automjet, deklaroi zyra e prokurorit.
Autoritetet aktualisht po hetojnë mundësinë e një motivi islamist. Arrestimet u kryen të premten.
Koha dhe vendi i saktë i sulmit të planifikuar, si dhe specifikat e planeve, janë aktualisht të panjohura.
