Duke pasur parasysh mungesën e mjekëve të familjes në Zvicër, gati 2,000 farmacitë në vend dëshirojnë të bëhen edhe më proaktive në ofrimin e shërbimeve të caktuara të kujdesit shëndetësor për të lehtësuar praktikat e mjekëve dhe shërbimet e urgjencës spitalore, përcjell albinfo.ch.
Si pika e parë e kontaktit për shqetësimet shëndetësore, farmacistët, të cilët tashmë shpesh ofrojnë këshilla dhe rekomandime për klientët, mund të kryejnë gjithashtu trajtime të thjeshta dhe të administrojnë vaksinime, sipas një raporti nga organizata ombrellë Pharmasuisse.
