Pritjet po vazhdojnë në pikat kufitare të Maqedonisë së Veriut. Një numër i madh i mërgimtarëve po shkojnë për pushime në Maqedoninë e Veriut. Në pikat kufitare, pritjet çdoherë e më shumë po bëhen edhe më të lodhshme, marr parasysh edhe temperaturat e larta, transmeton albinfo.ch.
Nga kjo ka reaguar edhe Afrim Gashi, kryetari i Partisë AlternAtivA i cili është shprehur se pritjet e gjata të mërgimtarëve, të lodhshme dhe poshtëruese.
“Pritja e gjatë, e lodhshme dhe poshtëruese e mërgimtarëve në kufi është pasqyra më reale se si ky shtet, bashkë me shqiptarët e këtij pushteti, i percepton mërgimtarët”, shprehet Gashi,
Postimi i plotë:
Pritja e gjatë, e lodhshme dhe poshtëruese e mërgimtarëve në kufi është pasqyra më reale se si ky shtet, bashkë me shqiptarët e këtij pushteti, i percepton mërgimtarët.
Ata po kthehen në vatrat e tyre, në familjet e tyre dhe, madje, sigurisht ata janë një injeksion i mirë për ekonominë e dergjur të vendit. Andaj është e patolerueshme kjo “pritje” që u bëhet.
Prandaj kërkoj nga Ministria e Punëve të Brendshme dhe të gjitha institucionet e tjera të shtetit që sa më shpejt të reagojnë dhe të mos lejojnë që mërgimtarët tanë të dashur të ndjehen të fyer e të poshtëruar.
Të dashur mërgimtarë, pavarësisht kësaj, ju jeni pjesa më e devotshme e kombit tonë dhe ne gjithnjë ju detyrohemi juve dhe do të mburremi me ju.
Mirë se vini në vatrat tuaja.
Afrim Gashi
