Një pikë e re “e nxehtë” e koronavirusit është zbuluar në Kantonin e Graubündenit, në juglindje të Zvicrës. Një grup i të rinjve që kishin festuar në kryeqytetin e Serbisë, në Beograd, janë kthyer në shtëpi, në Zvicër, duke sjellë virusin me vete, shkruajnë mediat zvicerane, si srf.ch 20minuten, etj.
I pari nga grupi i gjashtë të rinjve është sëmurë tri ditë pas kthimit nga Serbia, transmetomn albinfo.ch. Ai ishte testuar nga një mjek në Zvicër. Pastaj ka ndërhyrë grupi i gjurmimit të kontakteve, në nivel të kantonit. Që atëherë, gjashtë pjesëmarrësit në ndejën festive mbahen në izolim.
Të gjithë personat që kanë pasur kontakte me të rinjtë pas kthimit të tyre nga jashtë, janë vendosën në karantinë, përcjell albinfo.ch. Aktualisht janë gjithsej 73 persona në karantinë në kantonin e Graubünden, shumica e tyre për shkak të rastit të përmendur të Beogradit.
Ata kishin shkuar në Serbi fundjavën e parafundit, janë infektuar atje dhe më pas janë kthyer në Zvicër, la thënë të hënën mjekja kantonale Marina Jamnicki për televizionin e Zvicrës në gjuhën italiane. Arsyeja e infeksioneve është vetë pjesëmarrja në festimin në fjalë
Nuk ka rëndësi se ku zhvillohen ndejat ose festat masive. Në rast se një person është i sëmurë, thjesht ekziston rreziku i infeksionit, transmeton albinfo.ch. Prandaj Jamnicki apelon për përgjegjësi personale: të festosh gjithë natën krah për krah me të tjerë, thjesht nuk është në rregull”.
