Elon Musk tha të premten se kishte folur me ministrin italian të kulturës, Gennaro Sangiuliano, për planifikimin e një lufte në kafaz me miliarderin rival të teknologjisë Mark Zuckerberg në Itali.
Musk tha në platformën e tij të mediave sociale X, dikur Twitter, se ai dhe Sangiuliano kishin rënë dakord për një “lokacion epik” për luftën, pa specifikuar se ku, përcjell albinfo.ch.
“Gjithçka në kornizën e kamerës do të jetë Roma e lashtë, pra asgjë moderne”, shkroi Musk.
Megjithatë, Sangiuliano tha pas bisedës me Musk se ngjarja nuk do të mbahej në Romë, duke shtuar se ata ranë dakord për mbajtjen e një “ngjarjeje të madhe bamirësie dhe historikisht ndjellëse”, e cila do të respektonte dhe ruante vendet e trashëgimisë, shkruan DW.
Musk tha se lufta do të organizohej nga fondacionet e tij dhe të Zuckerberg.
Sangiuliano tha se “shumë milionë euro” pritet të dhurohen për dy spitale pediatrike italiane dhe kërkime shkencore për luftimin e sëmundjeve të fëmijërisë, përcjell albinfo.ch.
Më 20 qershor të këtij viti, Musk pyeti në Twitter-in e atëhershëm nëse Zuckerberg, i cili është trajnuar në jiujitsu, ishte “i gatshëm për një ndeshje në kafaz”.
Zuckerberg u përgjigj një ditë më vonë: “dërgo vendndodhjen”.
