Zyrtarë të EULEX-it kanë konfirmuar sot se ka patur një takim midis zyrtarëve të EULEX-it dhe raportuesit të Këshillit të Evropës (KE), Dick Marty lidhur me pohimet e këtij, që është përforcuar me një rezolutë të Parlamentit të KE-së.
“Zyrtarë të EULEX-it kanë takuar dhe kanë biseduar me Dick Martyn”, ka bërë të ditur Nicholas Hawton, shef i Zyrës për Informim të EULEX-it, për media kosovare.
Hawton ka thënë se kanë filluar hetimet për akuzat me të cilat ngarkohet një numër individësh, pjesëtarë të ish-UCK-së dhe liderë të Kosovës nëse janë marrë me trafikimin e organeve të robërve të luftë.
Por, ai nuk ka qenë në dijeni të thotë se sa larg kanë shkuar ato, për shkak se për rrjedhën e hetimeve, ashtu siç e parasheh edhe ligji, janë më shumë në dijeni prokurorët dhe të shumtën e rasteve detajet e tyre mbahen larg publikut, dhe se për shkak të sensibilitetit që ngërthen vetë natyra e hetimeve.
Ai nuk është shumë i sigurt se akuzat për mungesën e një programi për mbrojtjen e dëshmitarëve nuk qëndrojnë dhe janë të pabaza.
“Jam absolutisht i sigurt se programi ynë për mbrojtjen e dëshmitarëve është program profesional dhe efikas, kështu që dyshimet që i bëhen atij janë krejtësisht të paqëndrueshme”, ka thënë zëdhënësi i EULEX-it.
