FC Dardania zhvilloi një ndër stinorët më të suksesesh të historisë së klubit në këtë vit jubilar për ekipin që shënon edhe 20 vjetorin e themelimit.
Fillimisht duke luajtur në finalen e Kupës së Baselit dhe në fund të kampionatit të duke deklasuar ekipin kundërshtar FC Birilik, me rezultat 7:1, gjë që i siguron ekipit shqiptar ngjitjen në ligen e dytë ndërregjionale të futbollit zviceran.
FC Dardania ka fituar 20 ndeshje në këtë kampionat, thotë trajneri i ekipit, Enver Hajdari. Më të cilin ky klub shqiptar ngjitet për herë të dytë në ligën e dytë.
Në këtë nivel, por në regjionin tjetër, zhvillon garat prej disa vitesh FC Kosova e Cyrihut, ndërsa edhe FC Dardania e Lozanës është në rrugë të mirë të ngjitet në Ligën e Dyë Ndërregjionale të Zvicrës.
„Në këtë kampionat FC Dardania ka humbur vetëm një lojë, ndërkohë që ka fituar 20 ndeshje dhe një takim e ka mbyllur me barazim“, tregon ai. Duke numëruar më tej një sërë ekipesh tjera të rangut më të lartë që i ka eliminuar në rrugën drejt kupës së Baselit, që mjerisht pas një finale të luajtur për mrekulli e në avantazh, në fund nuk ka arritur ta fitojë.
Sidoqoftë, dardanët sezonin vjeshtor do ta startojnë në ligën e dytë si një ndër ekipet më të disiplinuara në grup, me më së paku kartona të marrë dhe me një golaverazh prej 125 golave të shënuar. Çka premton se ky ekip i ri do të na gëzojë me rezultate të mira edhe në ligën e dytë, ku konkurrenca do të jetë ndjeshëm më e fortë.
Bekim Dalipi
