Gratë në familjet me fëmijë bëjnë punë me pagesë mesatarisht 17.9 orë në javë, krahasuar me 39.8 orë për burrat, sipas një studimi nga grupi i konsulencës BSS në emër të Sekretariati Shtetëror për Çështjet Ekonomike (SECO), transmeton albinfo.ch.
Krahasuar me dekadat e mëparshme, megjithatë, ngarkesat me pagesë të grave janë rritur: në vitin 2004 ato punonin 13.5 orë në javë, ndërsa në 1997-ën shifra ishte 8.6 orë.
Përqindja e orëve të punës nga burrat në secilin prej këtyre viteve ishte ende mbi 40 orë në javë, duke shënuar ulje të lehtë. Në përgjithësi, çiftet me fëmijë po shpenzojnë gjithnjë e më shumë kohë në punë – tri orë më shumë në javë krahasuar me vitin 2004. Studimi i SECO analizoi, ndër të tjera, orët e punës në familjet në çift midis 1997 dhe 2020. Rezultatet u publikuan në shkurt 2024.
