Një e re nga Shtetet e Bashkuara të Amerikës ka hapur debat të gjerë në rrjetet sociale pasi ka deklaruar se përballet me armiqësi në Zvicër vetëm për faktin se është e huaj, përcjell albinfo.ch.
Në një video virale në TikTok, e cila ka arritur mbi 328 mijë shikime, gruaja amerikane tregon mes lotësh për përvojën e saj pasi u zhvendos në Zvicër “për një jetë më të mirë”.
Ajo shprehet se, ndonëse Zvicra shihet si një vend ideal për të jetuar, realiteti i saj personal ka qenë i mbushur me refuzim dhe ndjenja përjashtimi. Sipas saj, ekziston një “urrejtje ndaj emigrantëve” që ajo e ka ndjerë drejtpërdrejt në përditshmërinë e saj.
Gruaja, e cila jeton në kantonin Thurgau, thotë se është përballur vazhdimisht me qëndrime negative nga banorët vendas.
“Çfarë kam bërë që ta meritoj këtë – përveçse kam lindur në një vend tjetër?”, pyet ajo me zhgënjim në video.
Videoja ka nxitur mbi 15.600 komente, ku shumë përdorues kanë shprehur mbështetje dhe empati për situatën e saj. Megjithatë, ka pasur edhe reagime kritike, ku disa sugjerojnë se problemi mund të lidhet me mungesën e integrimit.
Një komentues shkruan:
“Sot shumë të huaj vijnë, nuk mësojnë gjuhën dhe presin që të gjithë të tjerët të përshtaten me ta. A ke provuar të mësosh gjuhën?”
Rasti ka rikthyer në vëmendje debatin mbi integrimin e emigrantëve, pritshmëritë e shoqërive pritëse dhe sfidat emocionale me të cilat përballen të huajt në vendet e zhvilluara europiane. /Albinfo.ch
@collieloki And I thought the Dutch were “blunt” and hostile to foreigners. 1 year in Switzerland has been harder than all 6 years in NL combined. I don’t know if the town I live in is just extra miserable or if it’s like this all across Switzerland, but it’s absolutely miserable to be surrounded by these types of people. #Switzerland #immigrant #immigration
