Presidenti i SHBA-së, Donald Trump, paralajmëroi Iranin të heqë dorë nga sulmet terroriste, duke i kujtuar edhe njëherë se Amerika ka fuqinë ushtarake më të fortë në botë.
Trump kujtoi se si forcat e ushtrisë së SHBA-së shkatërruan 100% ISIS dhe eliminuan kreun e organizatës terroriste, Al Bagdat.
“Ne nuk duam ta përdorim ushtrinë, edhe pse e kemi aq të madhe. Forca ushtarake amerikane është më e mira kundër terroristëve. Ne shkatërruam 100% të ISIS-it, vramë liderin e tij, Al Bagdad. Ai ishte një përbindësh. Dhjetëra-mijëra luftëtarë të ISIS-it janë vrarë. ISIS është një armik natyral i Iranit. Shkatërrimi i ISIS-it është e mirë edhe për Iranin dhe ne duhet të punojmë bashkë për këto prioritet”, deklaroi Trump, përcjell albinfo.ch.
Në fund të fjalës së tij, Presidenti i SHBA-së, Donald Turmp, i përcolli një mesazh popullit të Iranit, duke iu thënë: “Ne duam që ju të keni një të ardhme të madhe, që e meritoni. Me prosperitet, me harmoni, me vendet e botës. SHBA është gati të punojë për paqen me të gjithë ata që e pranojnë”.
